བདག་ཅག་གི་༧སྐྱབས་མགོན་དོན་གྱི་བདག་པོ་ནི་སྐུ་ཚེ་གང་པོར་བདག་བས་གཞན་གཅེས་ཀྱི་བྱང་ཆུབ་ཀྱི་སེམས་རིན་པོ་ཆེ་ལ་ཐུགས་དམ་གྱི་གཙོ་བོར་མཛད་པས། ཐུགས་ལ་དགོངས་རྒྱུ་དང་། གཞན་ལ་གསུང་རྒྱུ་གང་ཡིན་ཀྱང་འཚེ་བ་མེད་པ། གཞན་ལ་ཕན་པ། ལྷག་བསམ་དཀར་བ། གཡོ་སྒྱུ་ངོ་ལྐོག་མེད་པ་དེ་དག་ལས་གཞན་མེད། ཞལ་མཇལ་གསུང་ཐོས་བྱུང་བ་ཙམ་གྱིས་ཀྱང་བྱམས་བརྩེའི་བདག་ཉིད་ཡིན་པའི་ངེས་པ་སྙིང་ནས་འདྲེན། རྒྱུན་དུ་ཕྱི་ནང་གི་མི་ཅི་འདྲ་ཞིག་དང་མཇལ་འཕྲད་གནང་ཡང་། དེ་ལ་འཛེམས་ཟོན་དང་། བག་ཚ་བ་ཅུང་ཟད་ཙམ་མེད་པར་ཡུན་རིང་འདྲིས་པའི་མཛའ་བཤེས་ལྟར་བཀའ་མོལ་ལྷུག་པོར་གནང་བ། བྱམས་སྐྱོང་གནང་བ། སྐབས་འགར་རྩེད་མོའི་ཚུལ་དུ་གཞན་གྱི་ཨོག་ཚོམ་ནས་འཐེན་པ། ག་ག་ཚིལ་གནང་བ། ཞལ་འགྲམ་དང་ཤངས་ཐུག་རེས་མཛད་པ་སོགས་ནི་ནམ་རྒྱུན་གྱི་མཛད་སྟངས་ཤིག་དང་། གཞན་ལ་བཅོས་མིན་གྱི་དགའ་བ་དང་བརྩེ་བ་མཚོན་པའི་གནང་སྟངས་ཤིག་ལས་མ་འདས།
མགོན་པོ་གང་ཉིད་ཀྱིས་སྐུ་ཚེ་ཧྲིལ་པོར་འཛམ་གླིང་སྤྱི་དང་བྱེ་བྲག་ལ་ཞི་བདེ་དང་འཆམ་མཐུན་ཡོང་བའི་དོན་དུ་བློས་གཏོང་ཅི་ཙམ་ཞིག་མཛད་ཡོད་པ་ནི་སྐྱེ་བོ་ཕལ་པའི་བློ་ངོར་ཤོངས་མི་ཐུབ་པ་ཙམ་རེད། དེ་ནི་ང་ཚོ་བོད་མི་གཅིག་པུའི་ཞེན་ཁོག་ཙམ་མིན་པར་ཤར་ནུབ་ཀྱི་སྐྱེ་བོ་ས་ཡ་མང་པོས་དགའ་བསུ་དང་། གཟེངས་རྟགས་ཅི་ཙམ་ཕུལ་བ་སོགས་ཀྱིས་མཚོན་ནུས། ད་ལྟ་དགུང་གྲངས་དགུ་བཅུར་ཕེབས་ལ་ཉེ་བ་ཡིན་ཀྱང་ད་དུང་ཐུགས་བསྐྱེད་ཞུམ་པ་མེད་པར། ཕྱག་གཡས་གཡོན་ནས་སྐྱོར་བཞིན་ཉིན་ལྟར་མཇལ་ཁ་དང་། བཀའ་ཆོས་རྒྱུན་མ་ཆད་པ་གནང་སྟེ་སེམས་ཅན་མང་པོའི་དོན་མཛད་བཞིན་བཞུགས་པ་ནི་བསམ་ཤེས་ན་འཛམ་བུ་གླིང་པ་སྤྱིའི་བསོད་ནམས་ཞིག་ཏུ་འཁུམ། ད་དུང་ཡང་བསྟན་འགྲོ་སྤྱི་བྱེའི་དོན་དུ་སྐུ་ཚེ་ཞབས་པད་ཡུན་ནས་ཡུན་དུ་བརྟན་པའི་གསོལ་བ་ཕུར་ཚུགས་སུ་འདེབས་པ་ལགས་སོ། །
ཞེས་སློབ་འབངས་ཀྱི་གྲལ་མཐར་གནས་པ་ཨོ་རྒྱན་ཕྲིན་ལས་སུ་འབོད་པས་སྤྱི་ལོོ་ ༢༠༢༣ ཟླ་ ༤ ཚེས་ ༡༢ ལ་ཕུལ།
His Holiness the Dalai Lama has spent his entire life cherishing others more than himself, practicing bodhichitta. No matter what he thinks or says, he is always nonviolent and altruistic, pure in his intentions, and free of deceit or duplicity. On just seeing him or hearing him speak, many people feel certain in their hearts that he is the embodiment of love and compassion. When he meets with people, whether friends or strangers, he speaks with them freely, without any reserve or cautiousness, as if they were long-time friends, and treats them lovingly. Sometimes he does playfully tug someone’s beard, or tickle them, or pat them gently on the cheek or nose. This is just how he normally is, and it shows no more than his genuine delight and love for others.
His whole life, His Holiness has sacrificed his own needs and wants for the sake of peace and harmony throughout the world—the degree to which he has done so is difficult for us ordinary people to comprehend. This is not just attachment on the part of us Tibetans, as demonstrated by the warm greetings and expressions of appreciation that people all over the world have extended to him. Even now, as he approaches his ninetieth birthday, his resolve has never faltered. He spends his time seeing people and continually teaching the dharma, benefiting many beings. If we take a step back and think, we can see that he is a jewel for the entire world. I pray fervently that he may live for a long time and continue to benefit this world, Buddhism, and all beings.
Ogyen Trinley Dorje April 12, 2023
Photo courtesy www.dalailama.com
